درين نت

مرحبا بكم اخوانى واخواتى اهالى درين الكرام فى موقع درين نت شاركوا معنا وسجلوا عضويتكم لتنيروا لنا طريق التقدم وجعل درين فى المقدمة

درين


    مسحراتى درين الاصيلة

    شاطر
    avatar
    اميرة درين

    عدد المساهمات : 36
    تاريخ التسجيل : 13/08/2010

    مسحراتى درين الاصيلة

    مُساهمة من طرف اميرة درين في الثلاثاء أغسطس 17, 2010 11:29 am

    مسحراتى درين الاصيلة


    خالع سنانى وخالع ضروسى

    ومدرس ابنى واخد فلوسى

    كأنه مؤمن وأنا المجوسى

    مدرس ابني.. بقى بيحاسبنى

    على حلاوة درسه الخصوصى

    والعلم ضايع.. بيقول لصايع

    يا عم قطع.. رقم جلوسى

    يا عم شوقى.. يا ابن الأصول

    يا أمير زمانك ف الشعر.. قول

    صحيح يا شوقى ان المعلم

    ف زمانكو قرب يكون رسول؟!

    طب ليه المعلم اللى ف زمانا

    ما بقاش ينور أجمل شموسى

    ومدرس ابنى واخد فلوسى

    ■ ■ ■

    الأبجدية شدت شعورها

    لما المعلم منع مرورها

    وقال تروحى للى هايدفع

    واللى هاتدفع تستنى دورها

    الضلمة ركبت عقول ولادنا

    والعلم أصبح خارج قاموسى

    ■ ■ ■

    ومدرس ابنى واخد فلوسى

    صحوا الإدارة.. التعليمية

    واصحوا معاها يا أهل المالية

    عيب.. المعلم يعيش عوالة

    وعيب يناضل مع الماهية

    لما المربى.. يتعب ياربى

    أحلامى تركع قدام كابوسى

    ومدرس ابنى واخد فلوسى

    ■ ■ ■

    مسحراتى ف الذكر هايم

    والنسمة حلوة ولاحد نايم

    والكل صابح معانا صايم

    ف الفجر يدعى ويقول يارب

    رمضان يا أكرم م الشمس ذاتها

    أرواحنا عندك تبدأ حياتها

    والنفس راضية تلحق ما فاتها

    تطلب هداية وتقول يارب




    عدل سابقا من قبل اميرة درين في السبت أغسطس 28, 2010 10:19 am عدل 1 مرات

    helmygamal

    عدد المساهمات : 3
    تاريخ التسجيل : 18/08/2010

    رد: مسحراتى درين الاصيلة

    مُساهمة من طرف helmygamal في الأربعاء أغسطس 18, 2010 4:33 pm

    بجد الكلام جميل جدا وبيحكي واقع واضح في المجتمع الحالي وبيتطرق لنقطه خطيرة وهي موضوع الدروس الخصوصيه ..اللي انا عايشها من فترة طويله ولابد من تخصيص موضوع كبير لعلاج هذه النقطه السلبيه التي تهدد اولياء الامور محدودي ومتوسطي الدخل ..

    فتى النيل

    عدد المساهمات : 2
    تاريخ التسجيل : 21/08/2010

    رد: مسحراتى درين الاصيلة

    مُساهمة من طرف فتى النيل في السبت أغسطس 21, 2010 9:46 am

    helmygamal كتب:بجد الكلام جميل جدا وبيحكي واقع واضح في المجتمع الحالي وبيتطرق لنقطه خطيرة وهي موضوع الدروس الخصوصيه ..اللي انا عايشها من فترة طويله ولابد من تخصيص موضوع كبير لعلاج هذه النقطه السلبيه التي تهدد اولياء الامور محدودي ومتوسطي الدخل ..
    فعلا كلام جميل واسلوب جميل ايضا بارك الله فيكم
    ويارب المذيد كمان وكمان

    احمدحسين

    عدد المساهمات : 1
    تاريخ التسجيل : 30/11/2010

    رد: مسحراتى درين الاصيلة

    مُساهمة من طرف احمدحسين في الثلاثاء نوفمبر 30, 2010 11:02 am

    مشاء الله الله ينور

      الوقت/التاريخ الآن هو الأربعاء نوفمبر 22, 2017 9:29 pm