درين نت

مرحبا بكم اخوانى واخواتى اهالى درين الكرام فى موقع درين نت شاركوا معنا وسجلوا عضويتكم لتنيروا لنا طريق التقدم وجعل درين فى المقدمة

درين


    شكاوى البلد.... ثائر من زمن فانى

    شاطر
    avatar
    الجن

    عدد المساهمات : 53
    تاريخ التسجيل : 13/08/2010

    شكاوى البلد.... ثائر من زمن فانى

    مُساهمة من طرف الجن في السبت أغسطس 21, 2010 2:47 pm



    أكتب شكاوي البلد
    لشيخ البلد حواديت
    أكتبها في ستر المسا
    والصبح بدري لو صحيت
    عن غيطان القمح واحشانا
    وسوسه مزروعه في البيت
    ولقمة شعب مسمومه
    خبزتي المحرومه مـ الزيت
    وعجوزه مجبوره عال صدقه
    ورزق الصبايا في البلد فتافيت
    عن كُحة البردان بتعدي
    من عطسة الكتاكيت
    عن فتوى مشبوهة لمولانا
    إن شيلت طوبة أو رميت
    أو في الطريق الحره مره
    من عيشة بلدنا بكيت
    أو وقفت
    أو مشيت
    أو قلت لازم أو خلاص
    أو كفايه أو ياريت
    أو طالت عن وقتها الحواديت
    في العيون لو رأيت
    بلدنا الحلوه غزال
    وشيخ البلد خرتيت
    يبلع جملة المحصول
    ويملا البلد ديناميت
    يملا بيوت اليتامي
    بالصبر والتوابيت
    بلدنا من يومها ملاك
    وشيخ البلد عفريت
    ماسك خيوط الحكم في الشركه
    يقول عال بلد مملوكه
    و طول عمرها تركه
    بالسجن والنبابيت
    إحنا عيدان القطن
    وشيخ البلد كبريت
    يولعنا
    يقطعنا
    ويجمعنا
    بالطبل في التوقيت
    يسخط عمرنا ثانيه
    حكاية عمرنا الأولي
    شيخ البلد غوله
    مجنونه مجهوله
    سرقت من رفوف العدم كدبه
    وشجرة نسب و بطوله
    شهادة بلدنا تاريخ
    وشيخ البلد مسَّاحه
    يمسح سطور البلد
    والبلد نواحه
    لو تنسى تاريخ الشقا
    مين يوعدها بالراحه
    بلدنا فؤاده العروسه
    وشيخ البلد عتريس
    خطبتو
    حنتو
    زفتو
    في شوارع الجواسيس
    في ليله ضلمه منحوسه
    تفنى وتخلص الأحاسيس
    التوته تتقلب سنطه
    تواهه تكسر الفوانيس
    في الحدوته
    البلد بنوته
    وشيخ البلد إبليس
    يغويها بالكدبه
    يكسبها في اللعبه
    والسرقه والتدليس
    شربنا من صدر البطانه نتانه
    والرشوه والتعريص
    إصرخ صرختك ثوره
    إفتح لنا الترابيس
    إكتب كلمتك عال ورق ذكرى
    الكلمه أنشوده أو فكره
    في الحق والكراريس
    تشوف العش تلمحنا
    طيور مولوده في المحمه
    ما تسألناش
    عن الزبده
    عن الجبنه
    عن اللحمه
    دي حاجات ممنوعه في الزحمه
    الباشا والباشوات
    ما فيش عندهم رحمه
    جلادين بكره من تاني
    معقول يا مصر تتهاني
    وتدبل جميزة عالـ ترعه
    وانا في الأصل بستاني
    سنين عمرنا ندعي
    يجينا الحل رباني
    أنا من كُتر ما اتهديت
    حفرت القبر بسناني
    وأول ما اشوف مظلوم
    أقول أنا التاني
    وادعي
    يا رب الدوله تنساني
    وأحلم حلم من غير
    ما اشوف في الحلم سجاني


      الوقت/التاريخ الآن هو السبت سبتمبر 23, 2017 12:26 am